J. Bastin & E. Faral, C’est de Notre Dame.
word Télécharger le texte en version Word (avec notes)
pdf Télécharger le texte en version PDF (avec notes)
excel Télécharger le texte en version Excel (sans notes)
pdf Télécharger la fiche des manuscrits (PDF)
lien Consulter les manuscrits
lien Consulter l'édition panoptique de ce texte
Le texte
  Œuvres complètes de Rutebeuf, J. Bastin & E. Faral, 1959-1960 : Paris, Picard, vol. 2, pp. 245-246.
   
  C’est de Notre Dame. fol. 82 r°
   
  I
1 Chanson m’estuet chanteir de la meilleur
2 Qui onques fust ne qui jamais sera ;
3 Li siens douz chan garit toute doleur :
4 Bien iert gariz cui ele garira.
5        Mainte arme a garie ;
6        Huimais ne dot mie
7        Que n’aie boen jour,
8        Car sa grant dosour
9        N’est nuns qui vous die.
  II
10 Mout a en li cortoizie et valour ;
11 Bien et bontei et charitei i a.
12 Con folz li cri merci de ma folour :
13 Foloié ai, s’onques nuns foloia.
14        Si pleur ma folie
15        Et ma fole vie ;
16        Et mon fol senz plour
17        Et ma fole errour
18        Ou trop m’entroblie.
  III
19 Quant son doulz non reclainment picheour
20 Et il dient son Ave Maria,
21 N’ont puis doute dou Maufei tricheour
22 Qui mout doute le bien qu’en Marie a,
23        Car qui se marie
24        En teile Marie,
25        Boen mariage a :
26        Marions nos la,
27        Si avrons s’aïeaïe, aïue, U 22, 91, AY 27, s. f. : aide — L 81 Dieus aïue, interjection optative..
  IV
28 Mout l’ama cil qui, de si haute tour
29 Com li ciel sunt, descendi juque ça.
30 Mere et fille porta son creatour
31 Qui de noiant li et autres criacria, X 61, AY 31, AT 2011, part. 3 de crier : créer..
32        Qui de cuer s’escrie
33        Et merci li crie
34        Merci trovera :
35        Jamais n’i faudra
36        Qui de cuer la prie.
  V
37 Si com hom voit le soloil toute jor
38 Qu’en la verriere entre et ist et s’en va,
39 Ne l’enpire tant i fiere a sejour,
40 Ausi vos di que onques n’empira
41        La Vierge Marie :
42        Vierge fu norrie,
43        Vierge Dieu porta,
44        Vierge l’aleta,
45        Vierge fu sa vie.
   
  Explicit.
   
   
Manuscrits : C, fol. 82 r° ; B, fol. 61 r°.
Texte et graphie de C.
Graphie normalisée : sa v. 29.
Titre : B Une chanson de nostre Dame — 2 B fu — 4 B qui —14 B p. et f. — 27 C aide (d exponctué) — strophe IV B mq. — 37 B envoit — B Explicit la chanson Nostre Dame.
...

Valid XHTML 1.0 Transitional