Michel Zink, C’est de Notre Dame
word Télécharger le texte en version Word (avec notes)
pdf Télécharger le texte en version PDF (avec notes)
excel Télécharger le texte en version Excel (sans notes)
pdf Télécharger la fiche des manuscrits (PDF)
lien Consulter les manuscrits
lien Consulter l'édition panoptique de ce texte
Le texte
  Œuvres complètes de Rutebeuf, texte établi, traduit, annoté et présenté avec variantes par Michel Zink,
  M. Zink, 1990 : Paris, Garnier, vol. 2, pp. 292-294.
   
  C’EST DE NOTRE DAME
   
  I
1 Chanson m’estuet chantier de la meilleur
2 Qui onques fust ne qui jamais sera.
3 Li siens douz chans garit toute douleur :
4 Bien iert gariz cui ele garira.
5 Mainte arme a garie ;
6 Huimais ne dot mie
7 Que n’aie boen jour,
8 Car sa grant dosour
9 N’est nuns qui vous die.
  II
10 Mout a en li cortoizie et valour ;
11 Bien et bontei et charitei i a.
12 Con folz li cri merci de ma folour :
13 Foloié ai, s’onques nuns foloia.
14 Si pleur ma folie
15 Et ma fole vie ;
16 Et mon fol senz plour
17 Et ma fole errour
18 Ou trop m’entroblie.
  III
19 Quant son doulz non reclainment picheour
20 Et il dient son Ave Maria,
21 N’ont puis doute dou Maufei tricheour
22 Qui mout doute le bien qu’en Marie a,
23 Car qui se marie
24 En teile Marie,
25 Boen mariage a :
26 Marions nos la,
27 Si avrons s’aïe. f. 82 r° 2
  IV
28 Mout l’ama cil qui, de si haute tour
29 Com li ciel sunt, descendi juque sa.
30 Mere et fille porta son creatour
31 Qui de noiant li et autres cria.
32 Qui de cuer s’escrie
33 Et merci li crie
34 Merci trovera :
35 Jamais n’i faudra
36        Qui de cuer la prie.
  V
37 Si com hon voit le soloil toute jor
38 Qu’en la verrière entre et ist et s’en va,
39 Ne l’enpire tant i fiere a sejour,
40 Ausi vos di que onques n’empira
41 La Vierge Marie[1] :
42 Vierge fu norrie,
43 Vierge Dieu porta,
44 Vierge l’aleta,
45        Vierge fu sa vie.
   
  Explicit.
   
   
Manuscrits : B, f. 61 r° ; C, f. 82 r°. Texte de C.
 
Titre : B Une chanson de Nostre Dame - 14. B p. et f. - strophe IV B mq. - 37. B envoit - B Explicit la chanson Nostre Dame.
 

[1] Cf. Théophile 492-497. Voir aussi Les neuf joies de Notre Dame 173-176. Cette comparaison est extrêmement fréquente dans la littérature édifiante et théologique.

...

Valid XHTML 1.0 Transitional